TIRANË– Kryetari i Partisë Demokratike Sali Berisha ka akuzuar kreun e bashkisë së Kamzes Rakip Sulin për të cilin tha se është një model i shëmtuar i qeverisjes vendore duke hequr një paralele me kryebashkiakun e Tiranës Erion Veliaj. Sipas Berishës Rakip Suli ka “lindur me dorë” duke iu referuar kështu vjedhjes. Kreu i PD deklaratat i bëri gjatë takimit me demokratët e Kamzës me rastin e 32-vjetorit të themelit të degës.
Sali Berisha: Të mobilizoni me potencialin tuaj, në mbështetje të zotit Arjan Hoxha. Kamza, se tradhtoi kurrë Partinë Demokratike vetëm në rastet kur ajo e tradhtoi pabesisht atë. Ne do marrim pjesë, do bëjmë gjithçka për fitoren në këtë bashki. Ju garantoj, se do ketë një ndryshim të madh. Jeni dëshmitar për kujdesin e treguar më përpara në këtë qytet, gjatë periudhës së qeverisë së PD me kryebashkiak Xhelal Mziun. Forcat tona do shumëfishohen, në mënyrë që qyteti i Kamzës të bëhet një nga qytetet më të zhvilluara nga të gjitha qytetet. Modeli që sot qeveris në Kamzë, është modeli më i shëmtuar, më çnjerëzor që ka pasur Kamza ndër vite. Është modeli i “Erion Betonit”. Unë e di që njëri e ka Erion, ndërsa tjetra e ka Rakip, Rakipi ka lindur me dorë. Sa herë shkon në fshat vetë, të nesërmen numëronin kuajt. Edhe në emigracion, pa dorë nuk ka ndenjur, ndërsa këtu i papërmbajtur. Këtu u fut rruspat shkollave, njësoj si Erion Betoni.
