TIRANË– Një sherr masiv midis disa të rinjve mësohet të ketë ndodhur në zonën e Kombinatit në kryeqytet, ku si pasojë ka mbetur i plagosur një person. Sipas Policisë të përfshirë në konflikt janë një 24-vjeçar me inicialet A. T., me 19-vjeçarin A. L., dhe J. Ll. I dëmtuari është transportuar në spital, ku raportohet se ndodhet jashtë rrezikut për jetën, ndërsa janë shoqëruar në komisariat autorët e ngjarjes.
NJOFTIMI I POLICISË:
Më datë 27.01.2023, në Kombinat, në rrugën “Llazi Miho”, janë konfliktuar me njëri-tjetrin, për motive të dobëta, shtetasi A. T., 24 vjeç, me shtetasit A. L., 19 vjeç, dhe J. Ll., 19 vjeç. Si pasojë e konfliktit, shtetasi A. T., është dëmtuar dhe ndodhet në spital, jashtë rrezikut për jetën, ndërsa shtetasit A. L., dhe J. Ll., janë shoqëruar në komisariat, për veprime të mëtejshme procedurale. Grupi hetimor po punon për sqarimin e rrethanave të ngjarjes.
