TIRANË– Kryetari i Partisë Demokratike Sali Berisha ka akuzuar kryebashkiakun aktual të Burrelit Agron Malajn se ka vjedhur qytetarët. Duke folur nga 32-vjetori i Partisë Demokratike dega Burrel kryedemokrati u shpreh se Malaj dhe pse jeton dhe drejton bashkinë e Burrelit familjarët e tij marrin tendera në bashkinë e Tiranës dhe paratë sipas Berishës i ndan bashkë me kryebashkiakun e Tiranës Erion Veliaj. Lideri demokrat përmendi shumën e 30 milionë eurove.
Sali Berisha: Me datën 14 maj, Agroni duhet të dorëzojë çelësat dhe të bëhet gati për të gjitha prokurimet, për të gjitha vjedhjet që i ka bërë. A e dini se ku i bën vjedhjet Agroni? Do çuditeni ju. I bën me Erion Veliajn në Tiranë. 30 milionë euro ka fituar tendera në Tiranë, kompania e familjes së tij, duke i ndarë me Erion Veliajn. Agron, largohu vetë më mirë. Bedri Hoxha, ju garantoj se njeriu që e don Klosin, Matin, qytetarët, njeriu që ka përkushtimin, ndershmërinë më të madhe për ta shndërruar atë bashki në shtëpinë e parë të çdo qytetari, për të përdorur me transparencë të plotë çdo qindarkë. Por të dy së bashku do përgjysmojnë taksat. Ne jemi parti e taksave të ulëta. Ne besojmë se paratë në xhepat tuaja janë më të vlefshme për ju dhe shoqërinë se paratë e taksave të shtetit. Taksa e ulët është ligji unë.
