TIRANË– Analisti dhe ish-deputeti Miliam Zeka ka uruar shkrimtarin e madh shqiptar Ismail Kadare me rastin e 87-vjetorit të lindjes. Në një postim në Facebook Zeka falenderon Kadarën në emër dhe të gjithë ish-luftëtarëve të UÇK-së për atë që ai ka bërë për Kosovën. Ndërkohë bashkë me mesazhin e urimit ka shpërndarë një foto ku shfaqet pranë tij në një bisedë shoqëruar dhe nga persona të tjerë pas nënshkrimit të Marrëveshjes së Rambujesë në vitin 1999.
POSTIMI I MILIAM ZEKËS:
I dashur Ismail Kadare. Duke te uruar qe te behesh , me lejo te te falenderoj ne emrin e çdo luftetari te UÇK-se, ne emrin e martireve e viktimave te Kosoves, ne emrin e çdo te eturi per liri dhe pamvaresi, per çdo gje qe ke bere per Kosoven. Shume pak njereze e dine shperthimin e vullkanit Tuaj te brendeshem sidomos ne vitete 97, 98 dhe 99. Pak dine per ndikimin Tend te madh tek ish Presidenti Frances, Zhak Shirak. Pak kush din per rolin Tend te çmuar ne Konferencen e Rambujese. Dime pak per gjera qe duhet ditur. Po te dinim me shume, nuk do te tkurrej Atdheu yne nga 98 mi km katror, ne afersisht 40 mi. Jemi shoqeri e BB, po mbase nje dite do te kthjellemi. Kjo foto eshte bere ne Paris, naten kur eshte nenshkruar Marreveshja e Rambujese, 1999!
