TIRANË– Presidenti i Fondacionit ‘Zoja e Këshillit të Mirë’ Jerome Ndo Mih është vënë në hetim nga Policia ditën e sotme pasi u kap në aeroportin e Rinasit me një shumë të madhe parash të cilat kapnin vlerën e 42 300 eurove. Ato ishin të padeklaruara në mënyrë ligjore. Mih, është banues në Tiranë dhe do të ndiqet penalisht në gjendje të lirë.
NJOFTIMI I POLICISË:
Shërbimet e Policisë Kufitare Rinas, në vijim të kontrolleve të shtuara, në dalje kanë kaluar për kontroll të detajuar bagazhet e shtetasit J. M., 49 vjeç, banues në Tiranë. Gjatë kontrollit të bagazheve të këtij shtetasi janë gjetur dhe sekuestruar 42 300 euro, të cilat ai nuk i kishte deklaruar, sipas përcaktimeve ligjore. Në vijim të veprimeve shtetasi J. M., 59 vjeç, banues në Tiranë, u procedua penalisht dhe ndiqet në gjendje të lirë për veprën penale “Mosdeklarimi në kufi i të hollave dhe i sendeve me vlerë”. Materialet i kanë kaluar për veprime të mëtejshme Prokurorisë së Rrethit Gjyqësor Tiranë
