TIRANË– Gazetari Leonard Olli i ftuar në emisionin ‘Stay Tuned’ me moderatoren Valbona Mhilli në MCN TV ka komentuar lidhur me situatën politike të opozitës për të cilën u shpreh se për fat të keq është në një moment shumë të vështirë dhe se PD tashmë është e ndarë thellë. Ai tha se akuzat e ngritura nga njëra palë për tjetrën janë aq të forta saqë urat e komunikimit vijnë duke u zvogëluar apo dhe ndërprerë fare.
“Dalja televizive ka gjithmonë një kuptim dhe një arsye dhe jam përpjekur të jem pak i tërhequr se ndonjëherë kur s’ke se çfarë të thuash është më mirë të mos ri përsëritësh veten. Kjo që po ndodh në realitetin politik e kemi parashikuar kohë më parë. PD sot është për fat të keq në një moment shumë të vështirë sepse në radhë të parë s’ka të bëjë vetëm dhe thjesht me divergjencat sepse po të ishte vetëm kjo politikanët e rritur dhe të maturuar gjithmonë gjejnë rrugën e tyre të mirëkuptimit dhe jo të pazarit. PD tashmë është e ndarë thellë më tepër në raporte të pasjes së dominimit se kush do e zotërojë, në konceptin pronë, jo në konceptin pasuri publike, e një force politike që përfaqëson atë që njihet të djathtën. PD mirë apo keq ka qenë përfaqësuese e të djathtës shqiptare dhe jo e demokratëve sepse demokratët mund të jenë shumë dhe më të gjerë se të djathtët”.
Më tej ai u shpreh se ka qenë gjithmonë kundër kësaj gjuhe komunikimi mes palëve politike sepse sipas tij kjo nuk është një sjellje e matur. Ai tha se ndarja e tij është bërë nga kreu i lartë i PD sepse siç ai shprehet kanë uzurpuar të gjithë pushtetin.
“Akuzat e rënda sepse në momentin që akuzon njërën palë brenda partisë se është shitur atëherë urat e komunikimit vijnë duke u zvogëluar apo dhe ndërprerë fare. Unë kam qenë gjithmonë kundër kësaj gjuhe, sepse s’mund të bëjmë as oficerin e policisë, as gjyqtarin dhe as prokurorin sepse kjo nuk është një sjellje e matur politike. Një sjellje e matur politike bazohet te defektet dhe mënyra se si unë kam reaguar është ndarja ime me lidershipin, drejtuesin e lartë të PD sepse kanë uzurpuar të gjithë pushtetin, kanë zhdukur komplet mendimin, dhe kanë kaluar pushtetin te dora e 1-t, por kur kjo bëhet gabim sepse pushteti të korrupton dhe ajo që duhet të ketë parasysh është që ne duhet të jemi komplet e kundërta e asaj që jep qeverisja dhe qoftë dhe në formë”.
