TIRANË– Presidenti i Republikës Bajram Begaj ka takuar në ditën e lindjes shkrimtarin Ismail Kadare. Begaj nga një reagim në Facebook, bashkëngjitur me foto nga takimi me Kadarenë, e cilëson këtë të fundit si “ambasadori më i mirë i kulturës shqiptare, historisë dhe identitetit tonë”. Begaj mëtej shprehet se Kadare ka rritur dhe ka nderuar emrin e Shqipërisë.
“Patëm kënaqësinë që së bashku me Armandën, t’i uronim sot ditëlindjen mjeshtrit të letersisë shqipe, Ismail Kadare.I përkthyer në mbi 45 gjuhë, ai është ambasadori më i mirë i kulturës shqiptare, historisë dhe identitetit tonë, shkrimtari dhe intelektuali që e ka rritur dhe nderuar emrin e Shqipërisë në botë.” është shprehur Presidenti Begaj
