Në orët e vona të mëngjesit të kësaj të diele “Big Brother” është përballur me një situatë mjaft të pakëndshme, ku këngëtarja e njohur Valbona Mema nuk është ndjerë mirë emocionalisht dhe ka vendosur të largohet nga shtëpia. Shkak është bërë Prime i mbrëmjes të së shtunës ku maestros Armaldo Kllogjeri iu dhanë dy bileta VIP për të parë një ndeshje të Kombëtares në “Kampionatin Europian 2023”, ndërsa si dënim Armaldo duhet të zgjidhte 4 banorë për do t’ju hequr të drejtën për të nominuar.
Emri i këngëtares Valbona Mema u tha i pari nga Armaldo dhe me sa duket kjo nuk i ka pëlqyer aspak asaj, ku më pas kanë nisur debatet e ashpra, ku kjo e fundit e prekur nga situata, arsyetoi se si mund të ketë reaguar djali i saj, me të cilin kërkoi të flasë.
E ngarkuar psikologjikisht ajo nisi të bënte gati valixhet për të dalë. Banorët janë mbledhur menjëherë ta qetësojnë, theksojmë që “lufta” midis dy artistëve ka nisur që në hyrjen e Memës në shtëpinë “VIP”, ku ajo ka treguar se maestro Kllogjeri ka “xhelozi artistike.”
