GJIROKASTËR- Kushtet e këqija atmosferike kanë sjellë bllokim të disa akseve rrugore në jug të vendit, të cilat janë pothuajse të paqarkuellueshme, për shkak të prezencës së mjegullës. Ndërkohë policia iu ka bërë apel drejtuesve të automjeteve për kujdes të shtuar përgjatë këtyre akseve rrugore për shmangien e aksidenteve.
Automjetet që kalojnë përmes akseve Tepelenë-Gjirokastër-Kakavijë duhet të tregohen të vëmendshëm për shkak të vështirësisë së krijuar nga mjegulla, ndërsa temperaturat vijojnë të jenë relativisht të ulëta.
