TIRANË– Të tjera detaje kanë dalë në dritë nga dosja hetimore ndaj ish-agjentit të FBI-së Charles McGonigal, i cili është marrë nën hetim nga drejtësia amerikane por që ka vizituar shpeshherë dhe vendin tonë. Ka qenë gazetari investigativ Artan Hoxha ai, i cili i ftuar në emisionin “Të pa Ekzpozuarit” ka zbuluar se kush është politikani dhe biznesmeni që shfaqej në dosjen e FBI, që ishte takuar me Charles McGonigal. Bëhet fjalë për ish-deputetin Tom Doshi. Në të kohë, shtator 2017 ai pretendonte se po thurej një atentat ndaj tij dhe kërkoi “ndihmën” e McGonigal pasi nuk besonte tek drejtësia shqiptare.
Artan Hoxha: Në shtator të 2017, Charles është prezantuar nga Neza me një biznesmen që i tha se kërkonte dikë që të hetonte një komplot për të vrarë. Bëhet fjalë në shtator të 2017, është rasti i deputetit Tom Doshi. Sepse ishte i bindur se ndaj tij ka pasur një tentativë për atentat, e duke qenë se ishte i bindur që autoritetet shqiptare nuk e hetuan por çuan në ndjekje penale Doshin. Ai gjeti mundësinë për të kërkuar nga FBI ndihmë se nuk kishte besim. Prandaj është kërkuar kjo gjë sepse atëherë thuhej se Meta ndikonte mbi zotin Llalla dhe hetimi u devijua. Kjo është në shtator, më mbrapa në nëntor është bërë takimi i Vjenës. Bashkë me ta ka pasur edhe një prokuror federal. Hetimi tregoi se Doshi ishte i pafajshëm për kallëzimin e rremë. Pra ka ardhur edhe për një rast të tillë.
Ylli Rakipi: Ka qenë rasti kur u përhap fjala, që Meta do të vrasë Tom Doshin?
Artan Hoxha: Thuhej se Zoti Meta ndikonte te zoti Lllalla, ish kryeprokuror dhe nuk u hetua, por u hetua personi që bëri kallëzimin. Më mbrapa në nëntor, u bë takimi i Vjenës, ku zoti Doshi ka qenë bashkë me këta (McGonigal dhe Neza) dhe ka qenë edhe një prokuror federal. Personi në fjalë (Tom Doshi) nuk kishte besim në autoritetet brenda vendit dhe kërkoi ndihmë të specializuar jashtë. I ka kërkuar ndihmë një zyrtari të FBI për ta ndihmuar. Prandaj e ka bërë këtë takim.
