Iljazaj në “Stay tuned”: Po na ikën truri i kombit, sfidë kombëtare për t’u krijuar kushte të rinjve për të qëndruar
Pedagog Ervis Iljazaj, deklaroi në studion e emisionit “Stay Tuned”, se largimi i të rinjve, studentë nga vendi, duket të jetë një sfidë kombëtare, që vë në rrezik mendjen dhe trurin e kombit.
Lljazaj, vlerëson se ndalimi i të rinjve për të mos lënë Shqipërinë, duhet të vij si një strategji për shtetin, që të mendoj forma për ndalimin e shpopullimit të vendit nga këta të rinj.
Ka një reduktim të të rinjve që zgjedhin të qëndrojnë në Shqipëri, kjo është një statistikë e përgjithshme. Edhe këtë vit ka pasur më pak aplikantë-maturantë në universitet se në viti tjetër.
Megjithatë në UET ka pasur dhe ka regjistrime, megjithatë është shqetësuese fakti se nëse ne do të vazhdojmë me ritme të ikjes së të rinjve nga Shqipëria, do të jetë problem jo vetëm për arsimin, por për shoqërinë në përgjithësi.
Duhet ti mbajmë fort, të rinjtë këtu, me cilësinë e arsimit, me cilësinë e punësimit, duke u krijuar kushte për të jetuar këtu, sepse ndryshe pa ta, humbet mendja dhe truri i kombit, humbet energjia dhe kapitali human që i duhet ekonomisë dhe shoqërisë shqiptare.
Është një sfidë kombëtare, që duhet të përbej prioritet mbi prioritetet, ndalimi i ikjes së të rinjve dhe shpopullimi që po ndodh, sepse do të ketë ndikime shumë në të ardhmen.
