ELBASAN– Është zbuluar identiteti i 34-vjeçares nga Elbasani që humbi jetën mbrëmjen e djeshme në Maternitet pas komplikacione të abortit. Mësohet se bëhet fjalë për Etleva Çulhaj, nënë e dy fëmijëve të mitur. E reja është paraqitur në Maternitetitn e Elbasanit rreth orës 12:00 të ditës së djeshme ku ka kryer abortin dhe më pas është larguar për në shtëpi.
Pa u mbushur 6 orë ajo është ndjerë keq dhe është nisur sërish drejt maternitetit por që do të ishte tepër vonë për të pasi vdiq në duart e mjekëve. Lidhur me këtë ngjarje policia ka vënë në hetim dy mjekë për akuzën e neglizhencës në trajtim mjekësor. Grupi hetimor i ngritur në lidhje me këtë çështje po punon për zbardhjen e plot të rrethave të ngjarjes së rëndë.
