TIRANË– Detaje të reja kanë dalë në dritë nga aksioni i policisë “Fijet” që konsiston në heqjen e kamerave të sigurisë të vendosura në rrugë të ndryshme të vendit nga grupet kriminale me qëllim kontrollimin e territorit. News 24 raporton se ka dyshime se për shumë ngjarje kriminale që janë kryer në vend janë përdorur këto kamera për të vëzhguar lëvizjet e objektivave të tyre.
Një nga këto raste dyshohet se mund të jetë dhe atentati mafioz ndaj Brilant Martinajt, Diklen Vatës dhe Besmir Hoxhës në Mbikalimin e Fushë Krujës, ngjarje e ndodhur më 17 korrik të vitit që shkoi. Autorët e krimit kanë vëzhguar përmes kamerave të vendosura ilegalisht lëvizjet e Martinajt dhe miqve të tij para se të kryenin atentatin.
Igli Çelmeta: Ka dyshime se shumë ngjarje kriminale janë kryer nga autorë dhe janë vëzhguar nga ata përmes këtyre kamerave, ashtu siç është dhe vrasja e 3-fishtë e mbikalimit të Fushë-Krujës ku mbeti i vrarë Brilant Martinaj dhe dy persona të tjerë. autorët e krimit kanë vëzhguar përmes këtyre kamerave lëvizjet e Martinajt dhe dy shokëve të tij.
