TIRANË– Gjelosh Kransiqi një nga autorët e dyshuar për vrasjen e Briken Sanajt më 30 tetor të vitit 2022 është vënë në pranga mbrëmjen e djeshme në Pejë. Lajmi është bërë i ditur nga zëdhënësi i Policisë së Pejës Shkodran Nikçi, i cili bën me dije se bashkë me Krasniqin në pranga është vënë dhe një person tjetër, i cili e ka strehuar dhe dyshohet se i ka siguruar dhe makinën të cilën ai e ka përdorur natën e krimit.
NJOFTIMI I POLICISË:
Mbrëmë nga puna operative është arritur të arrestohet një person (me urdhër arrest ndërkombëtar) i cili dyshohet se ka qenë i përshirë vitin e kaluar për një vrasje në Shqipëri. Me urdhër të prokurorit, i dyshuari Gj.K., është ndaluar për 48 orë, ndërsa brenda afatit ligjor ndaj tij do parashtrohet edhe kërkesa për caktimin e paraburgimit. Për procedurat e mëtutjeshme rreth këtij rasti ju lutem i drejtoheni Ministrisë së Drejtësisë.
Briken Sanaj është ekzekutuar në një atentat mbrëmjen e 30 tetorit të vitit 2022 pranë banesës së tij në lagjen “Kodra e Diellit”. Vrasja e tij dyshohet të ketë ndodhur për gjakmarrje për një plagosje të kryer 10 vite më parë nga vëllai i tij, Antonio alias Renato Sanaj.
