ELBASAN– Një ditë pas ngjarjes së rëndë që do të trondiste opinion publik në Elbasan ku një 34-vjeçare, Etleva Çulhaj ndërroi jetë në maternitetin e qytetit disa orë pasi kishte kryer abortit ka folur drejtori i Maternitetit Agron Gaxha, i cili ka ndarë dhe detaje. Në një prononcim për mediat Gaxha shprehet se e reja ka marrë të gjithë ndihmën e nevojshme mjekësore pranë bluzave të bardha dhge shtoi se pritet rezultati i ekspertizes mjeko-ligjore për të zbardhur përfundimisht ngjarjen.
Agron Gaxha: Pacientja ka marrë trajtimin e nevojshëm në spital. Nuk mund të shprehemi për shkaqet e humbjes së jetës pa dalë ekspertiza mjeko-ligjore. Jemi ende në pritje të shkresës.
Etleva Çulhaj, nënë e dy fëmijëve ndërroi jetë tragjik një ditë më parë disa orë pasi kishte kryer një abort në Maternitetitn e Elbasanit. Trupi i 29-vjeçares është çuar në Baldushk të Tiranës, aty banonin prindërit e saj, ku edhe do të bëhet përcjellja për në banesën e fundit. Paraprakisht dyshohet se shkak për vdekjen e të resë të jetë bërë mpiksja e gjakut. Lidhur me ngjarjen mjeku gjinekolog si dhe ai reanimator, Arben Paralloi dhe Behar Gjevori janë marrë në pyetje nga policia dhe më pas janë lënë të lirë. Ekspertiza mjeko-ligjore pritet të zbardhë dhge ngjarjen e rëndë.
