TIRANË– Pak orë pas vdekjes së 30-vjeçares pas komplikacioneve të ndodhura pas lindjes ka reaguar për herë të parë Materniteti “Koço Glozheni”. Në reagimin e tyre për mediat spitali sqaron se gruaja lindi më 28 janar një foshnje të shëndetshme, dhe pas dy ditësh ka dalë nga spitali, pa asnjë shqetësim shëndetësor. Spitali sqaron po ashtu se e reja është paraqitur me shenja dobësie trupore pranë bluzave të bardha dhe më pas ka rënë në terapi intensive ku për fat të keq dhe humbi jetën.
REAGIMI I PLOTË:
SUOGJ “Koco Gliozheni” i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës. 30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese. Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar. Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komfom të gjitha protokolleve mjekësore. Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e Mjekësisë Ligjore për të mësuar shkakun e humbjes së jetës së pacientes.
