TIRANË- Një aksident i rëndë me pasojë vdekjen është regjistruar mëngjesin e kësaj të enjteje në Tiranë.
Raportohet se dy makina janë përplasur me njëra-tjetren e për pasojë pasagjeri që ndodhej në mjetin që drejtohej nga Egzon Murataj, 35-vjeçari Alvi Gjuni ka ndërruar jetë në vend. Murataj dhe drejtuesi i mjetit tjetër Murat Dorezi ndodhën në spital nën kujdesin e bluzave të bardha.
NJOFTIMI I POLICISË:
Më datë 02.02.2023, në rrugën “Kastriotët”, janë përplasur automjeti me drejtues shtetasin E. M. me automjetin me drejtues shtetasin M. D. Si pasojë e aksidentit, pasagjeri që ndodhej në automjetin me drejtues shtetasin E. M., shtetasi A. Gj., rreth 35 vjeç, ka ndërruar jetë, ndërsa drejtuesit e dy mjeteve ndodhen në spital, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.
