TIRANE- Deputetja e Partisë Demokratike, Ina Zhupa ka kërkuar seancën e kësat të enjte që kryeministri Rama të përballet në Parlament me pyetjet e deputetëve në lidhje me çështjen ‘McGonigal’. Zhupa mori fjalën në foltoren e bllokuar, duke u shprehur më tej se Rama ka cënuar sigurinë kombëtare, duke vënë kështu në dyshim aleancën me SHBA.
“Kemi një tradhtar që ka cënuar sigurinë kombëtare, na ka vënë në dyshim aleancën me SHBA. Na ka vënë në rrezik stabilitetin me NATO, tradhtar i korruptuar. Dha paratë që vjedh për të bërë lobim, për të goditur opozitën, për të pasuruar oligarkët që fshihet pas tyre, për të bërë biznes me Deripaska. Ku e keni Kryeministrin? Ku është kjo flamë që e ka zënë që pi kafe në zyrë dhe nuk vjen këtu? Ku është që emrin e Shqipërisë e baltos në këtë mënyrë? Tradhtarin e korruptuar ta sillni këtu, të përballet me opozitën dhe të vërtetat. Të na tregojë të vërtetën. 14 herë përmendet nga Juria e Madhe në aktakuzë. Le të vijë Edi Rama këtu se ndryshe seancë normale nuk mund të ketë.”
