TIRANË– Kryetari i Grupit Parlamentar i Partisë Socialiste Taulant Balla ka folur për mediat pas mbarimit të seancës së tensionuar plenare. Gjatë prononcimit për gazetarët Balla tha se kryeministri mungoi në seancë pasi ka një axhendë të ngjeshur takimesh. Ndërsa sa i përket takimeve me ish-agjentin e FBI-së Charles McGonigal kreu i grupit socialist u shpreh se dhe ai vetë e ka takuar gjatë kohës që ai ishte në detyrë si agjent.
Pjesë nga prononcimi i Ballës:
Pyetja: Cili nga ju gënjen, Çuçi apo ju?
Taulant Balla: Nuk e kam takuar në cilësinë e ishi-it por kur ka qënë. Do vazhdojmë të jemi ne, dhe kushdo që të kishte qënë, nëse do i kërkohej një takim, do e priste në takim. Nuk shoh asnjë kontraditë. Mund të qëllojë me një person tjetër, do mbaj unë apo Rama për dicka që akuzohet ai.
Pyetja: Ju keni thënë e kemi takuar, pse ju e keni takuar dhe jo Cuci?
Taulant Balla: Jeni aq rëndë sa rrini me ta. Ky zotëria ka qënë në Shqipëri në vitin 2017. Jeni zhytur aq thellë. Kryeministri është në detyrë nga mëngjesi në darkë. Se kur vjen në parlament e cakton kryeministri.
Taulant Balla: Ishte një seancë që cdo qytetar e kupton se kemi të bëjmë me një opozitë që nuk ka asnjë lloj interesi. Baza ligjore, lidhet me kushtetutën, me ligjet, që në nenin 6 i jep të drejtën e delegimit. Ka dhe një traditë të konsoliduar. Duhet të kuptoni se deputetet e opozitës, foltoristja, nuk kanë interes për t’i shkuar kësaj cështje. Aty janë ngritur lloj lloj akuzash, folën ne emër të drejtësisë amerikane.
Pyetja: Cila është arsyeja se përse Rama mungon?
Taulant Balla: Më lejoni të flas, ju jeni të nxehur. Kryeministri ka një axhendë. Sot votuam atë që ishte pengesa e fundit, kryeministri i Shqipërisë është në detyrë duke ndjekur interesin e madh. E vërteta është se ne kemi axhendën tonë, kalonte akti normativ, sot dhe jo të enjten që vjen s’ka seancë, ai do të ushtrojë kompetencat e veta.
