TIRANË– Ka dështuar për herë të dytë këtë të enjte seanca paraprake në Gjykatën e Posaçme Kundër Korrupsionit dhe Krimit të Organizuar, me të pandehurit për inceneratorin e Elbasanit, mësohet se shkak është bërë mungesa e 2 avokatëve si dhe e njërit prej të pandehurve.
SPAK ka mbyllur hetimet dhe dërguar për gjykim 10 të pandehur dhe 2 kompani, siç janë të akuzuarit Lefter Koka, Alqi Bllako, Etleva Kondi, Jonida Zeqo, Pëllumb Abeshi, Bardhul Çabiri, Serafin Papa, Mirel Mërtiri, Klodian Zoto, Stela Gugallja dhe 2 kompanitë shoqëria “Albtek Energy” sh.p.k dhe shoqëria “Integrated Technology Services” sh.p.k.
Diten e sotme mësohet se ishte planifikuar hapja e seancës paraprake ku togat e zeza të Gjykatës së Posaçme do të vendosnin nëse dosja e SPAK do të kalonte për gjykim apo jo. Një ditë më parë në GJKKO, dështoi po ashtu për herë të tretë seanca paraprake në ngarkim të 21 të pandehurve për inceneratorin e Fierit.
