ELBASAN– Është shtyrë këtë të enjte seanca paraprake në Gjykatën e Elbasanit për ekstradimin e 33-vjeçares ruse Svetlana Timofeeva, e arrestuar tre muaj më parë në vendin tonë nën akuzën e spiunazhit, pas sulmit në uzinën e Gramshit. Mësohet se shkak për shtyrjen e seancës është bërë mungesa e prokurorit të çështjes, Mustafa Turku.
Timofeeva ndodhet e paraburgosur nën masën e sigurimit “Arrest në burg”, ndërsa Rusia ka kërkuar ekstradimin e saj drejt Moskës. Nga aktet e përcjella nga autoritete ruse të drejtësisë rezulton se Timofeeva, është person i shpallur në kërkim në Rusi për veprën penale të “Marrje e paligjshme e informacionit që përbën sekret shtetëror”, ndërsa kjo e fundit nuk e ka dhënë pëlqimin e saj për t’u ekstraduar.
