TIRANË– Kryetari i Partisë Demokratike Sali Berisha ka kërkuar nga kryetarët e degëve të PD angazhim maksimal për protestën e thirrur për në datën 11 shkurt para Kryeministrisë. Gjatë fjalës së tij para nisjes së mbledhjes me drejtuesit e PD në rrethe kreu i selisë blu u shpreh se duhet punuar për një organizim masiv që konsidton me takimin e çdo qytetari dhe demokrati. Sipas tij qëllimi i protestës është rrëzimi i kryeministrit Edi Rama.
Sali Berisha: Rama ka frikë edhe nga njerëzit e tij tani dhe delegon interpelanca etj, etj. Misioni ynë është largimi i kësaj kalbësire menjëherë nga pushteti. Beteja ka filluar. Protesta më 11 shkurt do të jetë protesta më madhështore që ka njohur Shqipëria, por nuk do jetë vetëm. Protesta të tjera do të ketë para dhe pas saj. Ne jemi në një betejë për fitoren, për të vendosur pluralizmin dhe dinjitetin e Shqipërisë dhe shqiptarëve. Jemi në një betejë që populli opozitar do ta fitojë. Kërkoj nga ju, të gjitha strukturat drejtuese, që nesër të organizoni mbledhje në të gjitha seksionet e PD-së. Të organizoni të gjithë mbështetësit tanë, popullin opozitar, qytetarët jopartiakë, por edhe socialistë që dëshirojnë të bashkohen me ne. Rama është një e e keqe për këtë vend. Asnjë shqiptar nuk duhet të pranojë një kryeministër si ky që në vendet e lira është nejriu më i turpshëm. Me Duçkën dhe Agron Nezën rekrutoi njeriun ndofta nga më të çmuarin për sigurinë e SHBA-së.
