Nga Edon Kuqi
Ashtu siç pritej seanca e sotme plenare u shoqërua me debate dhe tensione të forta. Tashmë na duket normale që seancat e parlamentit të mos jenë më të tilla dhe parlamenti të mos jetë më tempulli i garantimit të demokracisë por “vasali” i dikujt dhe “ferri” i dikujt tjetër. Seanca nisi punë rreth orës 10:00 dhe nisja e vrullshme ishte një “paralajmërim” i një tensioni të vazhdueshëm që degjenmeroi ku e ku dhe përplashje të forta verbale.
“Molla e sherrit” ishte kryeministri Edi Rama, i cili vendosi të bojkotojë seancën dhe opozitën dhe në “gojën” e tyre të hidhte ministren e Shtetit për Marrëdhënien me Parlamentin Elisa Spiropali. Deputetët demokratë ditën e djeshme dorëzuan në Kuvend një kërkesë ku kërkonin ndryshimit e rendit të ditës dhe heqjen e kohës së diskutimit për mocionin me debat që kishin kërkuar në lidhje me ish-agjentin e FBI-së Charles McGonigal dhe lidhjet e tij me kryeministrin Edi Rama dhe takimet e shpeshta mes tyre por dhe një pjese të mirë të kabinetit qeveritar. Kërkesë që u hodh poshtë nga kartonat e kuq të socialistëve.
Mungesa e Ramës nxehu “gjakrat” në Kuvendin që prej javësh tashmë nuk është një arenë diskutimesh por përplasjesh që në fund të ditës kuptohet që janë një rrugë qorre edhe pa krye për të dyja palët. Kreu i qeverisë duket se i shmanget këtij debati, nuk dihet ende se nga se ka frikë por ama dihet se ka frikë të flasë e të pyetet për këtë çështje. Që prej prononcimit të dhënë për gazetarët 1 javë më parë në dalje të selisë rozë pas takimit që pati me drejtuesit politik në qarqe Rama ka “kyçyr” gojën dhe në vend që të flasë e komentojë vetë ka lënë të tijët ta bëjnë këtë për të. Ashtu bëri dhe sot.
Kalimi i përgjegjësisë së përballjes me opozitën, e cila ishte e uritur për debat dhe për arsye të përplasjeve të brendshme që nuk po iu japin zgjidhje Elisa Spiropali nuk mund të pranohej nga që dhe pse shumë herë e përçarë në parlament këtë herë ishin të gjithë bashkë. Donin “kokën” e Ramës. Brenda të majtëve kalimi i përgjegjegjësisë së përballjes tek Spiropali ishte një llojë vlerësimi dhe një përgjegjësi që Spiropali vendosi të mbajë mbi shpatulla dhe pse siç u pa as ironitë dhe talljet me opozitën nuk i bënë punë. Deputetët demokratë nuk donin një “peshk” në debat pavarësisht llojit dhe peshës ata kishin ardhur aty për të kapur në rrjetë një “peshkaqen” të madh si Rama që dhe sot nuk ua dha këtë mundësi duke i lënë të përleshën me të tijët.
Në fund ashtu siç ka bërë dhe herë tjetër njeriu që i pëlqen më së shumti të flasë ka kohë që ka zgjedhur të shktruajë. Në një postim në Twitter Rama nuk jepte asnjë argument apo sqarim në lidhje me atë që po ndodhte por u ndal tek skenat që bëheshin në parlament duke i cilësuar si një dhunim të fjalës së lirë. Pyetja që shtrohet është po Rama a nuk e dhunon fjalën e lirë duke heshtur? Një kryeministër pavarësisht se në raste të caktuara vepron si individ i vetëm në arenën ndërkombëtare ai është gjithmonë përfaqësues i një kombi që në këtë rast nuk di se ku të shkojë e çfarë të bëjë.
Bashkimi i demokratëve në foltoren e Kuvendit të cilët pothuajse në unison në mendime dhe në veprime ishte mbase dhe një mesazh për mazhorancën, e cila prej muajsh e muajsh i shikon të ndarë. Gazment Bardhi nuk ka deklaruar kurrë se mund ti bashkohet grupit të Berishës por ama sot dhe në shumë rastre të tjera ai dhe Sali Berisha duket se kanë një “flirt politik”, Berisha i pëlqen mënyra sesi ai bën opozitë në parlament ndërsa Bardhit energjia dhe kaosi deri diku që sjell kreu i PD në seancat plenare. Kjo seancë me tensione të shumta ishte padyshim dhe me shumë mesazhe brenda saj. Përjashtimi i pesë deputetëve seancën e shkuar e vuri Lindita Nikollën me “shpatulla pas murit” ditën e sotme pasi ishte e pazonja për tu shpjeguar para demokratëve që bërtisnin e plasnin tavolinat.
Me bilbila në duar deputetët e opozitës sot vulosen një aksion të egër opozitar por a është kjo zgjidhje. Kujtojmë veprimet e mazhorancës së sotme kur ishte në opozitë, bllokime foltoresh, punimesh e greva dhe në fund nuk kishte rezultate konkrete. A duhet të gjejë opozita parlamentare e sotme një mënyrë tjetër veprimi dhe “tempulli” i demokracisë të vijojë të mbetet i tillë. Pas çdo bllokimi foltoreje mazhoranca voton ligjet me një shpejtësi të tmershme dhe të frikshme për demokracinë, pa konsesus e debat, ndërkohë që opozita bërtet dhe i fryn bilbilit deputetët socialiste në rresht për një votojnë me dorën lart ligjet ku varet e ardhmje e shqiptarëve. Se duhet gjetur një mënyrë tjetër veprimi duhet patjetër jo vetëm për tu rikthyer në shinat e ligjshmërisë por dhe te llogaridhënies. Gjasat janë që kaosi në Kuvend të vazhdojë dhe nën një shpejtësi “skuthe” mazhoranca do të votojë çdo ligj pasi sipas shumëkujt aty “çdo e keqe e ka një të mirë” por vetëm për shqiptarët jo. /Newszone
