TIRANË– Seanca plenare e kësaj të enjtje u përfshi nga kaosi, përplasjet e forta midis opozitës dhe mazhorancës, ku Partia Demokratike kishte kërkuar interpelance me kryeministrin Rama në lidhje me çështjen e ish-agjentit të FBi-së, Charles McGonigal. Akuza të forta u hodhën ndaj Ramës, ku ky i fundit përgjigjen e tij ja kishte deleguar ministres Elisa Spiropali.
Duket se deputetja e Partisë së Lirisë Monika Kryemadhi ka zgjedhur që përballë asaj situate të krijuar në Kuvend, të “shijojë” dasmën e Kiara Titos dhe Luiz Ejllit që e zhvilluan mbrëmjen e së mërkures në shtëpinë “VIP” të “Big Brother”. Kryemadhi duke bërë scroll në instagram, është ndalur në tallavanë e zhvilluar në një reality show, kur ndërkohë fare pranë saj po luhej një reality show me jeten e shqiptarëve, ku mazhoranca e vetme po vendoste mbi fatin e shqiptarëve
Momenti i puthjes së çiftit më “in” të momentit në rrjet, që po pritej nga qindra-mijëra fansa, deputetja e Partisë së Lirisë Monika Kryemadhi e “ngazëllyer” kishte hequr vëmendjen nga çdo gjë tjetër, dhe nga situata ku ajo ndodhej në atë sallë, duke të dhënë që të kuptosh që vetë ajo është “Big Brother”.
