DURRËS– Një aksident me pasojë vdekje është regjistruar mëngjesin e kësaj të premteje në Durrës. Raportohet se Qemal Tabaku ka humbur kontrollin e motorit dhe ka dalë jashtë rruge. Grupi hetimor ka mbërritur në vendngjarje dhe po heton rrethanat e aksidentit.
NJOFTIMI I POLICISË:
Durrës/Informacion paraprak Rreth orës 09:00, në fshatin Jubë, Durrës, shtetasi Q. T., 66 vjeç, duke drejtuar motomjetin, ka humbur kontrollin dhe për pasojë, motomjeti ka dalë nga rruga. Nga ky aksident, 66-vjeçari ka humbur jetën. Grupi hetimor vijon punën për përcaktimin e shkakut të aksidentit.
