TIRANË– Kryetari i Partisë Demokratike Sali Berisha ka folur për herë të parë në lidhje me një shkrim të New York Times kohë më parë. Kryedemokrati në atë kohë e cilësonte gazetën si “letër higjenike”. Gjatë konferencës së përjavshme me gazetarët lideri demokrat tha se i ka cilësuar letër higjenike pasi nuk plotësoi kërkesën e tij për përgënjeshtrim ndaj akuzës së djalit të tij Shkëlzen Berishës, në lidhje me Gërdecin, i cili sot është nën hetim nga SPAK
Berisha: Në atë kohë NYT, shkruajti një trillim banal për djalin tim, të pavërtetë, NYT citonte Delirolin, ai sot ka deklaruar se ka gënjyer për djalin tim që të më dëmtojë mua. Unë si rregull, gazetat janë të detyruara që ta përgënjeshtrojnë, i them 1 mikut tim se kujt mund ti drejtohem. Më drejton se zëvendëskryeredaktorja, ajo nuk e botoi, shkeli një parim themelor, për atë rast i kam thënë atë fjalë. Gazeta të cilat shpifin dhe nuk botojnë përgënjeshtrimin meritojnë cdo epitet. Ajo që shpif e më pas e boton përgënjeshtrimin është ok.
