TIRANË– Kjo e premte ka regjistruar një “boom” arrestimesh në Tiranë. Raportohet se nëntë persona kanë rënë në pranga pasi akuzohen për vepra të ndryshme penale. Në njoftimin zyrtar blutë e kryeqytetit bëjnë me dije se mes të arrestuarve dy prej tyre kanë rënë në pranga nën akuzën e trafikut të drogës, dy për dhunë në familje ndërsa tre për për përndjekje dhe dhunë fizike. Ndërsa dy persona të tjerë janë përfshirë në aksidente rrugore dhe kanë shkelur rregullat e sigurisë.
NJOFTIMI I POLICISË:
Specialistët për Hetimin e Narkotikëve arrestuan shtetasit: – A. Gj., 29 vjeç, banues në Tiranë, pasi gjatë kontrollit fizik nga shërbimet e Policisë, iu gjet një sasi lënde e dyshuar narkotike kanabis, e cila u sekuestrua në cilësinë e provës materiale; – A. Ç., 54 vjeç, banues në Tiranë, pasi gjatë kontrollit fizik nga shërbimet e Policisë, iu gjet një sasi lënde e dyshuar narkotike kokainë, e cila u sekuestrua në cilësinë e provës materiale. Specialistët për Hetimin e Krimeve të Komisariatit të Policisë Nr. 4 arrestuan shtetasin T. Ll., 65 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 2 arrestuan shtetasit: – A. H., 21 vjeç, banues në Tiranë, pasi ka përndjekur ish të dashurën e tij dhe ka ushtruar dhunë ndaj saj; – J. K., 23 vjeç, banues në Tiranë, pasi ka shkelur masën e sigurisë “Arrest në shtëpi”. Specialistët për Hetimin e Krimeve të Komisariatit të Policisë Nr. 3 arrestuan shtetasin B. Sh., 25 vjeç, banues në Tiranë, pasi ka përndjekur ish të dashurën e tij dhe ka ushtruar dhunë ndaj saj.
Specialistët për Hetimin e Krimeve të Komisariatit të Policisë Nr. 5 arrestuan shtetasin G. H., 54 vjeç, banues në Kasallë, pasi ka ushtruar dhunë ndaj motrës së tij. Specialistët për Hetimin e Krimeve të Komisariatit të Policisë Nr. 6 arrestuan shtetasin S. S., 35 vjeç, banues në Fier, pasi ka përndjekur dhe kanosur një shtetase. Specialistët e Qarkullimit Rrugor arrestuan shtetasin E. M., 28 vjeç, banues në Tiranë, pasi duke drejtuar automjetin, është përplasur me automjetin me drejtues shtetasin M. D., dhe si pasojë e aksidentit ka ndërruar jetë pasagjeri, shtetasi A. Gj.
