TIRANË– Kryetari i Partisë Demokratike Sali Berisha i është rikthyer sërish deklaratave të bëra nga kryeministri Edi Rama mbrëmjen e djeshme se nuk do të pranonte të shkonte në Kuvend për tu përballur me opozitën për të cilën ai thotë se është e çekuilbruar dhe ka ulur nivelin e debatit në pikën më të ulët që ka pasur parlamenti ndonjëherë. Sali Berisha iu përgjigj nga selia blu ku po zhvillon një mbledhje me drejtuesit e degëve të Tiranës në kuadër të protestës së 11 shkurtit. Kryedemokrati ka zgjedhur ti përgjigjet me shprehjen e tij Ramës du iu drejtuar se “Nuk ka parë gjë akoma”. Kreu i PD tha se parlamenti është i qytetarëve dhe jo i kriminelëve dhe se ata nuk do e lëshojnë foltoren.
Sali Berisha: Aty në Parlament i them nuk ke parë gjë akoma. Nuk e lëshojmë ne parlamentin. Ne do qëndrojmë aty me një rezistencë shumë më të fuqishme se ajo që kemi parë deri më sot. Parlamenti është i qytetarëve jo i kriminelëve. Qytetarët presin nga ne që të jemi ligjbërës. Ligjet tona me urdhër të Ramës, Linda i fut në sirtar. Nuk mund të bëhet, është kushtetutë e parlamentit. Ky është parlamenti sot. Mbrëmë thoshte që nuk shkoj në Parlament, të mos vijë por ne parlamentin nuk e dëgjojmë. Vinte me gjuhë halabaku, vetëm sharje bënte. Mos harroni janë dy dosje, dosja e Nju York, tjetra në Uashtington. Edhe këtu është përdorur McGonigal duke folur me skapistat. Pse nuk e kapni filanin? Çfarë bëni? Kjo është e vërteta. Mund të qëndrojmë gjatë që të numërojmë, por tani është kohë veprimi dhe mobilizimi total.
