TIRANË- Policia e Tiranës nga një aksion të kryer këtë të shtunë, mësohet se ka vënë në pranga 7 persona për vepra të ndryshme penale. Një ndër të arrestuarit akuzohet për përndjekje, ndërsa një tjetër për dhunë në familje. Katër persona bëhet me dije se janë vënë në pranga për drejtim mjeti në gjendje të dehur dhe drejtim mjeti pa leje drejtimi.
NJOFTIMI I POLICISË:
Tiranë/Vihen në pranga 7 shtetas, për vepra të ndryshme penale. Specilistët për Hetimin e Krimeve të Komisariatit të Policisë Nr. 3 arrestuan shtetasin E. B., 30 vjeç, banues në Laç, pasi ka përndjekur një shtetase. Specilistët për Hetimin e Krimeve të Komisariatit të Policisë Nr. 5 arrestuan shtetasin B. S., 42 vjeç, banues në Kamzë, pasi ka ushtruar dhunë ndaj bashkëshortes.
Specilistët për Hetimin e Krimeve të Komisariatit të Policisë Kavajë arrestuan shtetasin I. H., 43 vjeç, banues në Kavajë, pasi në lokalin e tij, nga punonjësit e OSHEE-së, u konstatua lidhje e paligjshme e energjisë elektrike.
Specialistët e Qarkullimit Rrugor arrestuan shtetasit: – V. B., 61 vjeç, banues në Tiranë, A. B., 38 vjeç, banues në Kosovë, pasi u kapën duke drejtuar automjetet, nën efektin e alkoolit; – A. Sh., 18 vjeç, banues në Tiranë, E. B., 30 vjeç, banues në Kosovë, pasi u kapën duke drejtuar automjetet, pa leje drejtimi.
