GREQI– Një 22-vjeçar shqiptar i ka shpëtuar jetën një fëmije në qendër të qytetit Lamia në Greqi. Dionis Abdiaj, lindur dhe rritur në këtë qytet, në një familje emigrantësh nga Shqipëria i ka shpëtuar jetën një foshnje 1-vjeç, kur flakët kanë përfshirë dhomën e tij në një shtëpi të vjetër ku jetonte një grua 57-vjeçare rome me tre nipërit e saj, 6 dhe 1 vjeç, pasi prindërit mungonin.
Abdiaj ka deklaruar se ka ndërhyrë menjëherë sapo ka parë situatën, duke shpëtuar jetën e foshnjës.
“Fëmija po qante dhe me një zë që dridhej më tha se foshnja ishte në shtëpi. Menjëherë hodha xhaketën dhe i dhashë një goditje të fortë dritares së dhomës. Hyra brenda dhe mora foshnjën që ishte i rrethuar nga flakët. Gjithçka ndodhi kaq shpejt. Fatmirësisht fëmija shpëtoi dhe është mirë. Bëra atë që do të bënte çdo njeri nëse i rrezikohej jeta…”,
Ndërkohë mësohet se zjarrfikësja e Lamisë ka shkuar në vendngjarje me dy automjete dhe pesë zjarrfikës të cilët kanë shuar zjarrin para se të përhapet në banesat e tjera.
I riu shqiptar është përfolur mjaft nepër mediat vendase greke, ku është etiketuar si “hero”.
