TIRANË– Presidenti Bajram Begaj ka shprehur ngushëllimet për jetët e humbura për shkak të tërmetit tragjik që tronditi Turqinë dhe Sirinë në orët e para të mëngjesit. Në një reagim të toj Kreu i Shtetit deklaron se shqiptarët do t’i qëndrojnë pranë njerëzve që janë prekur nga kjo tragjedi.
REAGIMI:
I pikëlluar thellësisht nga tërmeti shkatërrues që goditi Turkiye dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve të tyre, që humbën të dashurit e tyre në këtë tragjedi të tmerrshme, duke shprehur ngushëllimet, mendimet dhe lutjet tona të sinqerta.
Deri më tani raportohet për shumë 500 viktima dhe mijëra të plagosur e të tjerë nën rrënoja. Tërmeti i fuqishëm 7.4 ballë ka goditur kufirin mes Turqisë dhe Sirisë. Lëkundja tronditi banorët rreth orës 04:17 me epiqendër pranë qytetit të Gaziantep. Tërmeti ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
