TIRANË– Kreu i Emergjencave Civile Haki Çako ka deklaruar se vendi ynë do btë nisë një grup prej 38 personash për ti ardhur në ndihmë Turqisë pas tërmetit tragjik që la pas më shumë se 1500 të vdekur, mijëra të plagosur e të tjerë ende nën rrënoja. Në një intervistë për mediat ai tha se grupi do të përbëhet nga mjekë, infermierë dhe forca të kërkimit të shpëtimit.
Haki Çako: Ka pasur dëme katastrofike, jetë të mëdha njerëzish dhe dëme të mëdha në objekte e godina, vazhdojnë kërkime për jetë të shumta që ndodhen nën rrënoja. Është shpallur gjendja e jashtëzakonshme. Qeveria shqiptare, AKMC dhe ministria e Mbrojtjes në kontakt intensive ka shprehur jo vetëm solidaritetin por edhe gatishmërinë për të vënë në dispozicion grupet e kërkim shpëtimit, rreth 26 forca të trajnuar. Brenda ekipeve do të ketë dhe ekipe mjekësore. Shumë shpejt këto forca të koordinuara do të nisen me një avion të posacëm. Për pak orë besoj që do të nisen drejt destinacionit përkatëse. 38 persona janë ekip, specialist të kërkim-shpëtimit dhe mjekë dhe infermierë. Bëhemi pjesë e dhimbjes së madhe të popullit turk por edhe me gatishmëri.
Deri më tani raportohet për më shumë 1500 viktima dhe mijëra të plagosur e të tjerë nën rrënoja. Tërmeti i fuqishëm 7.4 ballë ka goditur kufirin mes Turqisë dhe Sirisë. Lëkundja tronditi banorët rreth orës 04:17 me epiqendër pranë qytetit të Gaziantep. Tërmeti ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin.
