MAMURRAS– Dy vite pasi ishte shpallur i zhdukur nga familajrët trupi i pajetë i Klevis Lleshit është gjetur i groposur në fshatin Shpërdhet të Mamurrasit. Ai është zbuluar si pasojë e erozionit të tokës, teksa banorët e zonës njoftuar menjëherë policinë. Ka qenë analiza e ADN-së ajo që ka vërtetur se bëhej fjalë për 24-vjeçarin.
Por në lidhje me lajmin e qarkulluar në media ka reaguar policia e Lezhës, e cila bën me dije se nuk është e vërtetë që është gjetur një trup në Mamurras.
NJOFTIMI I POLICISË:
Përshendetje, Në lidhje me lajmin e dalë në media që gjenden mbetje kockore në Mamurras është totalisht i pavërtetë. Nuk është gjetur asnjë trup askund. Gjithsesi po ju përgatis një njoftim sqarues.
Prokuroria e Rrethit Gjyqësor Mat kishte nisur hetimet dy vite më parë pas denoncimit të familjarëve. Dyshohet se Lleshi është marrë peng në afërsi të Pallatit të Sportit në Burrel. Kjo nuk është vrasja e vetme në familjen Lleshi pasi dhjetë vite më pare babai i Klevisit, Xhavit Lleshi u vra në një pritë në vendin e quajtur “Pujkë” në vitin 2013, ndërsa pak vite më pas i është vrarë xhaxhai Hajredin Lleshi, pranë shtëpisë.
