TIRANË– Kryetari i KLSH-së, Arben Shehu, ka zhvilluar sot në mjediset e KLSH-së, një takim me Ambasadorin e Italisë në Tiranë, Fabrizio Bucci. Në takim ishte gjithashtu i pranishëm edhe Giampiero Carrieri, ekspert i Guardia di Finanza për Shqipërinë, Kosovën dhe Malin e Zi, pranë Ambasadës së Italisë në Tiranë.
Shehu dhe Bucci gjatë takimit kanë theksuar rëndësinë e pavarësisë së institucioneve, rritjen e përgjegjshmërisë, me qëllim forcimin e tyre dhe rritjen e besueshmërisë, jo vetëm ndërmjet tyre, por edhe tek publiku e palë të tjera të interesit.
