TURQI– Ishte bllokuar nën rrënoja gjatë tërmetit në Turqi, ky është momenti i dhimbshëm kur një vajzë pesëvjeçare i tha babait të saj se ishte ‘mirë’. Ayşe Kubra Güneş nuk mund të lëvizte pasi ndërtesa gjashtëkatëshe ku ajo jetonte u shemb në qendrën e qarkut Pazarcik në Kahramanmaras.
Ayşe, vëllai i saj dhe prindërit e saj mbetën nën rrënoja, pasi tërmeti me magnitudë 7.8 goditi Turqinë dhe Sirinë në orët e para të mëngjesit të djeshëm. Pjesa tjetër e familjes së saj u shpëtua shpejt, por Ajshe ishte më e vështirë për t’u arritur dhe u bllokua për rreth shtatë orë, raporton ‘DailyMail‘.
