Digjet shtëpia në Korçë, fqinjët shpëtojnë dy bashkëshortët e verbër
Një banesë është përfshirë nga flakët këtë të hënë në fshatin Kuç i Zi në Korçë. Sipas informacioneve nga vendi i ngjarjes, brenda në banesë kanë qenë çifti i bashkëshortëve që janë të verbëër, ndërsa fatmirësisht janë shpëtuar nga fqinjët.
Kanë qenë këta të fundit që kanë parë flakët sipër çatisë duke shkuar menjëherë pranë banesës, dhe po ashtu kanë lajmëruar policinë dhe zjarrfikësen.
Ende po punohet për shuarjen e flakëve, nuk dihet shkaku i rënies së zjarrit. Banesa në pronësi të shtetasit Ardian Dyli është djegur plotësisht, ndërsa llogariten dëme të konsiderueshme materiale.
