Përplasen dy automjete në Vlorë, plagosen 3 persona

Një aksident i rëndë ka ndodhur mbrëmjen e sotme në vendin e quajtur “Rrethrrotullimi i Omonies” në Vlorë, ku si pasojë kanë mbetur të plagosur tre persona.

Në vendin e ngjarjes kanë shkuar efektivët e policisë, të cilët kanë niisur hetimet për zbardhjen e shkaqeve të aksidentit.

Nga raportimet paraprake, bëhet e ditur se është përplasur një automjet tip “benz” me një mjet tip “Audi”.

Njoftimi i policisë:

Rreth orës 19:30, në rrugën “Gjergj Kastrioti”, në vendin e quajtur rrethrrotullimi i Omonies, një automjet tip “Benz” me drejtues shtetasin V. B., është përplasur me një automjet tip “Audi” me drejtues shtetasin E. R. Si pasojë e përplasjes kanë mbetur të dëmtuar dy drejtuesit si dhe një pasagjer në automjetin “Audi”, shtetasi A. C., të cilët ndodhet në spitalin e Vlorës, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.