TIRANË– Është shoqëruar me debate të forta mbledhja e Komisionit të Etikës në Kuvend ku po diskutohej kërkesa e bërë nga disa deputetë të Partisë Socialiste të cilët kërkonin përjashtimin e 8 deputetëve demokratë nga punimet e Kuvendit pasi në seancën e kaluar bllokuar foltoren. Gjatë fjalës së tij deputeti Ervin Salianji u shpreh se kërkesa e bërë nga 7 deputetët socialistë që nuk flasin kurrë e që duan të ju mbyllin gojën atyre që flasin është nul ndërsa me ironi u shpreh se ai kërkon që të përjashtohet dhe të mos merret vendim tjetër.
Ervin Salianji: Ça të keni në dorë bëni. Po vendosni 7 deputetë që nuk flasin kurrë, që të pengojnë disa. Ata që nuk flasin ndonjëherë kërkojnë që të përjashtohen këta që flasin. Ai ka përdurur të gjithë pushtetin e tij, bindjen për të minuar demokracinë. Ja kjo kërkesa, ky që nuk flet kurrë, është i pari që kërkon të përjashtohen deputetët e opozitës. Nuk doni të flisni për kapjen grafil të Ramës. Arsyeja se përse ju kërkoni që të përjashtohem, është që të jetë sa më qetë kur të vijë Rama. Këta që nuk flasin dot e që nuk arsyetojnë, kanë thënë se ç’kemi bërë ne? Unë dua që të më përjashtoni, mos merrni asnjë vendim tjetër.
