TIRANË– Katër muaj pas kapjes Prokuroria e Posaçme Kundër Korrupsiuonit dhe Krimit të Organmizuar ka marrë në ‘dorë” akt-espertizën e ngarkesës së kokainës. Sipas saj sasia e drogës së miksuar në pleh ishte 485.5 kg kokainë e pastër dhe jo 430 kg, sa u mendua në fillim. Droga u kap në banesën e ish-kryekomunarit të Frakullit në Fier Viktor Çervanaku, i cili u vu në pranga bashkë me djalin dhe nusen e tij.
Operacioni u zhvillua më 24 nëntotr të vitit të shkuar dhe në pranga ranë 10 persona mes tyre dhe ish-kryekomunari Viktor Çervanakiu. Lajmi fillimisht u raportua nga mediatr e Malit të Zi aty ku dhe nisi operacioni, i cili më pas u shtri në Frakull ku dhe u zbulua droga.
Të arrestuarit janë: Zenel Cervanaku, i cili akuzohet se është edhe porositësi i kësaj sasie kokaine; Viktor Çervanaku, ish-kryetari i komunës së Frakullit, djali i tij së bashku me të fejuarën, Denilson Çervenaku dhe Enxhi Ferhati; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë; Redion Meshi, 22 vjeç; Marildo Rona, Nikolin Gjolena, Julian Malaj dhe Bledar Matoshi. Në kërkim është shpallur kolumbiani Zaimir Rodrigez, i cili dyshohet se kishte ardhur në Shqipëri për të bërë ndarjen e kokainës nga plehu kimik.
