TIRANË– Deputeti i PD, Ervin Salianji i ftuar sot në Neës24 ka komentuar vendimin e Sekretariatit për Votimet dhe Etikën që përjashtoi një ditë më parë për dhjetë ditë nga seancat plenare dhe komisionet, tetë deputetë të opozitës, ku mes emrave edhe Salianjin. Ky i fundit së bashku me kolegë të tjerë të opozitës bllokuan foltoren e Kuvendit, duke kërkuar që në seancë të ishte i pranishëm kryeministri Edi Rama që të përgjigjej për skandalin “McGonigal”.
“Qesharak, së pari s’ka asnjë vlere se tregon përpjekjen foshnjarake të qeverisë për të eleminuar zërat e opozitës nga seancat plenare që i bie te 13-14 deputetë brenda një jave të përjashtuar.
Imagjinoni cfarë instikti ka kjo qeveri e ky kryeministër që kërkon të eleminojë në cdo formë opozitën dhe fjalën e vetmja gjë që ka opozita.
I shmanget debatit për një skandal që i djeg miza nën kësulë ku është përfshirë e mendojnë do ta mbulojnë me budallëqe që përjashtohen deputetët me 10 ditë që të mos kenë mundësi apo sa më pak zëra që të flasin në seancë”
