Brikena Frakulli e arrestuar pak ditë më parë si pjesë e një grupi që shiste kokainë në Tiranë është vënë në pranga pasi lëndën narkotike ja kishtë lënë vajzës së saj të mitur. Ky fakt theksohet edhe në dëshminë e vajzës e cila ka treguar se nëna e saj i la një çantë por që ajo nuk e dinte çfarë kishte brenda saj.
Dëshmitarja: Më datë 03.02.2023, rreth orës 1 të drekës kam mbaruar shkollën dhe shkova në shtëpi më pas më shkruajti mami im Brikena që do dalim për shoping. Rreth orës 3 e gjysem të drekës dola me mamin dhe shkuam te kisha katolike, me motor. Mua me ndaloi te stacioni i autobusit, më dha një çantë dhe më tha të prisja aty sa të merrte lekët. Më pas erdhi mami së bashku me një çun dhe aty erdhi policia na kapi dhe më shoqëruan në komisariat.
Një dëshmi interesante për hetusit është edhe deklarimi i bashkëjetesit të Brikenës, Artur Kristo.
Artur Kristo: “Unë dua të them se nuk kam lidhje me sendet e gjetura në banesën ku unë jetoj me të dashurën time Brikena Frakulli. Unë nuk kam asnjë lloj dijenie për to. Shpjegime të tjera do të jap në një fazë tjetër të hetimeve pasi jam i rënduar psikologjikisht dhe as vetë nuk e di pse jam ketu.”
Pavarësisht së në seancë gjyqsorë 40 vjecaria tha se ai është vetëm punëtori i fermës së saj, hetusit kanë zbuluar së prej kohësh ishin në një mardhënie dhe po ashtu edhe tregtarë të lëndës narkotike.
Gjatë kontrollit të banesës në dhomën e gjumit në një sirtar u gjet 1 qese transparente me shinë brenda të cilës kishte 32 doza qese, ku brenda saj u gjet heroine.
Lëndë narkotikë kokainë u gjetën edhe në ambjetë të ndryshme të banesës, si dhe një sasi prej 83 000 euro.
Grupi kriminal disa prej dozave i kishte edhe më porosi pasi në disa qesë u gjetën mbishkrime si “OLSI”, “7V”, “ASTIR” apo mbishkrimin “10V”, ndërsa në total policia sekuestroi 6 kg kokainë e heroinë./Ora News
