TIRANË– Një 53-vjeçar në kryeqytet me inicialet K.D., ka rënë nga lartësia e një ndërtese ku ishte duke punuar e për pasojë ka ndërruar jetë. Policia bën të ditur se ngjarja ka ndodhur ditën e sotme në rrugën “Konferenca e Pezës”.
NJOFTIMI I POLICISË:
Më datë 09.02.2023, në rrugën “Konferenca e Pezës”, dyshohet se aksidentalisht ka rënë nga lartësia ku ishte duke punuar shtetasi K. D., 53 vjeç, i cili si pasojë ka ndërruar jetë. Grupi hetimor ndodhet në vendngjarje dhe po punon për sqarimin e rrethanave të ngjarjes.
