TIRANË– Është vënë nën akuzë për korrupsion në skandalin e inceneratorëve Mirel Mërtiri. SPAK i ka përcjellë këtë të enjte policisë kërkesën për shpalljen në kërkim ndërkombëtar të biznesmenit.
Lidhur me skandalin e inceneratorëve akuzohen edhe Klodian Zoto e Stela Gugallja. Kjo e fundit është ndaluar dy ditë më parë në Austri për verifikim.
Kjo pasi autoritetet shqiptare dërguan në Austri një kërkesë për arrestimin dhe ekstradimin e saj drejt vendit tonë. Tashmë është në dorën e autoriteteve austriake për të vendosur ekstradimin e saj ose jo.
