DURRËS– Embrah Nuredini, babai që bëri marrëveshje për shitjen e fëmijës 5 mijë euro teksa ishte ende në barkun e nënës ka dalë ditën e sotme para Gjykatës së Durrësit. Togat e zeza vendosën masën e sigurisë “arrest me burg” ndaj tij. Sipas prokurores Anila Bbeçi ky është një rast flagrant dhe i rrezikshëm për shoqërinë. Nuredini ishte pa avokat mbrojtës në seancë për shkak të kushteve ekonomike.
Ai mohoi akuzën e bërë, duke thënë se nuk do të shiste fëmijën e tij pasi ai ka dhe 5 fëmijë të tjerë për të cilët kujdeset. Ndërkohë avokatja e caktuar nga shteti kërkoi arrest shtëpie, bazuar dhe në rolin e Nuredinit si i vetmi që siguron ushqim për familjen përmes mbledhjes së kanaçeve.
Embrah Nuredini: Dua të shkoj te fëmijët dhe nuk e di si e kanë bërë këtë. Atë ditë kam qenë i pirë. Unë jam i vetmi që e mbaj familjen me ushqim. Mbledh kanaçe. I dua fëmijët.
