DURRËS– Pesë qyetatrët turq të arrestuar në Durrës me pasaporta false bullgare kanë dalë ditën e sotme para Gjykatës. Para togave të zeza ata kanë bërë deklarata prekëse ku janë shprehur se nuk kanë asnjë informacion për fatin e familjarëve të tyre në Turqi dhe nuk dinë nëse ata kanë marrë dëmtime, kanë vdekur apo janë plagosur si pasojë e tërmetit tragjik që shënoi më shumë se 18 mijë të vdekur.
Deklarata: Jemi nga zona e tërmetit, Kahramanmarash, dhe nuk kemi asnjë njoftim për fatin e familjeve tona atje. Donim të shkonim në Itali. Erdhëm këtej para fatkeqësisë që goditi vendin tonë.
Sot, turqit dhe anglezi, Joshua Smith dolën para gjykatës së Durrësit. Gjykata vendosi t’i lirojë 5 turqit për të cilët caktoi masën “detyrim paraqitjeje” pranë policisë gjyqësore. Për anglezin u vendos garanci pasurore në vlerën e 2000 eurove për lirimin dhe hetimin në gjendje të lirë.
