TIRANË– Kur na ndajnë më pak se 24 orë nga nisja zyrtare e protestës së thirrurr nga opozita për në orën 12:00 para Kryeministrisë, qeveria ka marrë masa që të “blindojë” godinën ashtu si dhe herët e tjera. Siç shihet edhe në foto ka nisur vendosja e pllakave metalike tek dyert e selisë së qeverisë.
Dhe herë të tjera është vepruan në këtë mënyrë për ti paraprirë çdo precipitimi të situateve që mund të dalin gjatë zhvillimit të protestës. Protesta është thërritur nga Partia Demokratike dhe opozita e bashkuar dhe pritet të nisë zyrtarisht në orën 12:00 të ditës së shtunë.
Kauza e thirrjes së kësaj proteste është arrestimi i ish-agjentit të FBI-së Charles McGonigal dhe lidhjet e tij me kryenministrin Edi Rama. Opozita pretendon se McGonigal është paguar nga kryeministri Edi Rama për të lobuar kundër PD-së në SHBA duke sjellë dhe shpalljen non-grata të kryedemokratit Berisha apo dhe akuzave të ngritura për financime ruse në PD.
