BRITANI E MADHE- Dy të rinj nga qyteti i Elbasanit pretendohet se janë kapur duke grabitur një shtëpi bari shqiptarësh para disa muajsh në Londër, por janë kapur nga bashkëkombasit e tyre, që më pas i kanë dhunuar barbarisht, ndërsa mësohet që më pas i kanë filmuar e pamjet e tyre i kanë hedhur në rrjetin social të TikTok. Të rinjt janë vetëidentifikuar si Igli Fejzo, ndërsa tjetri me emrin Mandi Çela. Në videon e publikuar në rrejtet sociale personi i vetëidentifikuar si Igli, shfaqet me sy të nxirë, ku tregon se grabitjen e ka kryer për shkak të borxheve, ndërkohë Çela tregon dhëmbët që i kanë thyer kur e kanë dhunuar.
