VAU I DAJËS– Një ngjarje e rëndë është regjistruar në fshatin Mali Jushit në Vaun e Dejës. Raportohet se një magazinë me ushqime për bagëti është shkrumbuar totalisht nga flakët. Magazina është në pronësi të familjes Gjini. Zonja e shtëpisë Zoja Gjini ka deklaruar për Panorama TV se zjarri që përfshiu magazinën rreth orës 23:00 të mbrëmjes së djeshme ka qenë i qëllimshëm. Ajo bën me dije se flakët kanë shkaktuar të paktën 50 milion lekë të vjetra dëme dhe u kanë lënë bagëtitë pa ushqim.
Zoja Gjini: Nuk i kam bërë gjë njeriu, s’kam ngatërresë me asnjë njeri. Çfarë i ka thënë mendja atij njeiru nuk e di, është i qëllimshëm. Drita s’kemi pasur në magazinë, duhanin nuk e pi njeri, as unë e as burri. Ai njeri që e bëri këtë, ta shikojë Zoti.
Panorama shton se dy anët e shtëpisë ndodhen të monitoruara me kamera sigurie nga banesat aty afër dhe pritet që policia të nisë hetimet për zbardhjen e këtij zjarri.
