TIRANË– Kur ndajnë pak orl nga nisja e protestës së opozitës Policia e Shtetit ka marrë masat. Siç shihet edhe në foto efektivët që do jenë të angazhuar në protestë janë të pajisur me maska kundragaz. Ndërsa shtyllat pranë Kryeministrisë janë lyer me graso për të mos lejuar protestuesit të ngjiten në to.
1500 efektivë të Policisë së Shtetit janë në terren, e nga ora 12:00 që nis protesta do të jetë i bllokuar Bulevardi “Dëshmorët e Kombit” dhe të gjitha drejtimet që lidhen me bllokun e rrugës së Elbasanit. Rrugët ku nuk do të lejohet parkimi i automjeteve nga ora 06:00 dhe do të bllokohet qarkullimi nga ora 10:00 janë:
Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i rrugës së Elbasanit me rrugën “Ibrahim Rugova”.
