TIRANË– Demokratët janë mobilizuar për tu nisur drejt Tiranës për të marrë pjesë në protestën e thirrur nga Sali Berisha përpara selisë së Kryeministrisë. Protesta do të nisë në orën 12:00. Qindra demokratë nga Berati, Fieri, Korça, Fushë-Krujë, Vlora, Kukësi dhe Shkodra janë nisur drejt Tiranës.
Raportohet se mbi 2000 qytetarë, mbështetës e simpatizantë të opozitës jan nisur sot nga Kukësi në drejtim të Tiranës. Grupet e protestuesve janë organizuar nga dega e PD-Kukës duke vënë në dispozicion autobus e furgona për transportin e tyre drejt kryeqytetit në protestën kombëtare të opozitës që mbahet në orën 12:00.
Nga Shkodra janë nisur me mijëra protestues drejt kryeqytetit. Nënkryetari i PD në Shkodër Qashif Hoxha ka thënë se nisja ka filluar që në orën 8 në mënyrë të organizuar dhe me makina private.
Ndërkohb 800 anëtarë dhe simpatizantë të Partisë Demokratike dega Fier do ti bashkohen protestës se sotme të organizuar nga opozita. Rreth 1000 protestues nga opozita e qarkut të Beratit janë nisur drejt Tiranës,për t’ju bashkuar protestës së sotme të opozitës. Nga dega e PD-së Kuçovë janë nisur drejt protestës në Tiranë 150 demokratë,nga Dimali 80 demokratë,nga Poliçani 65 dhe nga Skrapari 50 demokratë.
